Nagmamahal ka ba ng patago?

Teka. Maling tanong.

May minamahal ka bang kaibigan mo na hindi mo masabi sabi?

Tinatago mo para hindi niya malaman. Bakit? Kasi natatakot ka? Kasi hindi mo alam kung ano ka ba talaga sa kaniya? Ay, oo nga pala. Alam mo. Kaibigan ka lang, dba?

Hm. Pero nagtataka ka. Nagtatataka ka kung bakit kakaiba siya sayo… o sadyan ganoon lang siya kasi close na kayo?

Simple lang naman yan. Pakiramdaman mo. Wag na wag ka muna aamin hanggang hindi mo kaya panindigan ang mga gagawin mo.

Ganito lang yan.

Natatakot ka dahil:

1. BAKA KAIBIGAN LANG TURING NIYA SAYO

2. BAKA LUMAYO SIYA SAYO

3. BAKA MASIRA PAGKAKAIBIGAN NIYO

Natatakot ka kasi kapag umamin ka, maaring lumayo siya. Natatakot kang mawala yung pagkakaibigan niyo kasi… yun lang naman yung dahilan kung bakit kayo nakakapag-usap, hindi ba?

Pero maraming pwedeng mangyari kapag umamin ka.

E paano kung:

1. MAHAL KA RIN PALA NIYA?

2. MAS LALONG MAPALAPIT SIYA SAYO?

3. MAS HUMIGIT PA SA PAGKAKAIBIGAN ANG MAYROON SA INYO

Sundin nga muna natin ang sabi sa tatlongutos.tumblr.com (PLUG!)

Wag ka aamin…. hanggang hindi mo alam kung ano ang lugar mo sa buhay niya.

Kung pinandigan mo yan ang hindi pag amin, nawa’y mapayapa ang konsensya mo. Ang sa akin lang naman, mahirap ng magsisi.

Magulo ako.

Magulong magulo.

Lalo na sinasabi ko.

E paano pa ang iyong utak?

Sa ngayon, makontento ka muna kung ano ang meron sa inyo.

Hindi naman literal. Pero maari naman.

Pinakamasakit sa lahat?

AKALA MO, M.U. kayo! O, ano? Nakakarelate ka na ba? Sige. Mainis ka lang. Alam kong mayroon ka ng gustong suntukin ngayon.

Pero bago ang lahat, simulan muna natin sa ganito.
M.U. — Malabong Usapan

Yung tipong parang kayo pero hindi naman. Nagkakatext. Nagkakasama. Nagkakausap.

Ano pa ba? AHH.

Naglalambingan. Kahit hindi mo alam kung lambingan nga ba ito o landian.

At dahil diyan sa paglalambingan slash paglalandian niyo, akala mo mayroon ng namamagitan sa inyo. Pinagkakatiwalaan mo na siya. Dahan dahan, nahuhulog ka na sa kaniya. Mapapaisip ka tuloy…

Ano nga ba mayroon sa atin?

Hay, nako. Kung ako sayo. Wag na wag ka muna mahuhulog hanggang hindi mo alam kung ano ba talagang namamagitan sa inyo.

Nako. Pwede ka nga palang magselos… pero wala ka nga lang karapatan.

Pwedeng pwede mo rin siya lambingin… kaso isipin mo baka may ibang lumalambing sa kaniya.

Napaparanoid ka na ba?

Tapos bigla mong malalaman na… may nanglalandi sa kaniya.

Gera ba gusto niya? ABA!

ABA! Teka, hindi naman siya sayo, hindi ba?

…

Nasaktan ka ba? Pero yung ang katotohanan. Malay mo, ikaw lang natuluyang nainlove sa kung ano man meron sa inyo. Sabi kong linawin muna!

E paano kung sabihin niya na normal lang pala yun sa kaniya?

Patay ka. Patay. Tignan mo! Normal lang pala eh. May pa-M.U. ka pang nalalaman.

Akala ko lang… Iba kasi siya sa akin. Akala ko lang pala yun.

Alam kong nasaktan ka. Direkta man o hindi, pinaasa ka pa rin niya, hindi ba?

Oo. At ang sakit sakit.

Tapos malalaman mo, may totoong ka-M.U. na siya. Tapos yung kakakilala pa lang niya. Taob ka?

Ako yung laging nasa tabi niya. Ako ‘tong lagi niyang kausap, katext at kasama. Ako yung laging nasa tabi niya. Tapos ipagpapalit lang niya ako?

Teka… hindi ka naman niya pinagpalit. Masakit man tanggapin. Inakala mo lang na M.U. kayo.

Mahal mo siya, mahal ka nga ba niya? O sadyang pinapaasa ka lamang niya?

Nagkakatext ba kayo? Malamang, oo. Kinikilig ka ba? Malamang, oo. May mga panahon na malambing siya sayo, pero bigla ka na lang mapapaisip. Paano kung ganito rin siya sa lahat. Gaguhan nga ba?

Aba, biglang hindi na lang magrereply. Hindi ka mapakali. Magtatampo ka. Maiinis. Tapos malaman laman  mo, may katext naman siyang iba. Pero bakit sa akin hindi nagrereply? Gaguhan nga ba?

Mapapawi nga lang lahat sa isang text niya lang. Wala kang pakialam kung ito’y walang kwentang text. Basta ba, makita mo lang ang pangalan niya sa inbox mo, abot tenga na ngiti mo. Hindi ba?

Nakakatawang isipin. Nakakatawa ka.
Nakakatawa kayo.

Nagmumukha kang bata na nagkaroon ng unang pag-ibig sa preschool o gradeschool.

E ano nga bang magagawa ko. Gusto ko siya. Hindi. Mahal ko na nga ata siya eh.

Kahit hot and cold siya. Sige ka pa rin.

E bakit ba.

Sige ka pa rin. Kahit alam mo sa sarili mo na nagmumukha ka ng tanga.
Hindi ba?

Tama na.

Bahala ka. Alam ko naman kahit napapagod ka na kasi hindi mo alam kung saan lulugar sarili mo sa kaniya, hindi mo pa rin siya magawang ayawan. Kahit alam mo na you deserve someone better. Hindi yung parang pinapaasa ka lang sa wala.

Gaguhan nga ba?

Pinapaasa sa wala?

Oo. Sa wala. Hindi mo pa naman alam kung ano ka sa kaniya, hindi ba? Hindi mo nga alam kung saan ka lulugar eh.

…

Tignan mo. Mas mahirap umasa kaysa pumili. Yan, yang nasa puso mo. May choice naman siya eh. Malay mo hindi lang dalawa, malay mo maraming choice. Kaya ingatan mo muna puso mo. Mamaya, yun pala wala ka lang sa kaniya.

Mahal mo siya, pero taken ka na. Patay.

Hindi naman sa hindi ka na masaya dun sa isa, sadyang mas napapasaya ka lang nung dumating.

Ang problema nga lang, taken ka na. May bakod na. May kadena na.

Nagkakatext kayo ng patago. Nagkikita ng patago. Kapag kasama mo ang kasintahan mo, nasa isip mo pa rin siya. Aba, iba na yan.

Hijo, hija. Isipin mo muna ang ginagawa mo. Mas gugustuhin mo bang mawala na lang sila pareho? Masama mamangka sa dalawang ilog. Nakamamatay.

Hindi sa sinasabi ko na dyan ka na lang sa kasintahan mo, pero ang sa akin lang naman, kung kanino ka talaga tunay na masaya.

Sabi nga sa One More Chance,

Sometimes, love isn’t enough.

Ipagpipilitan mo pa ba ang sarili mo sa isang relasyon kahit alam mong hindi ka na masaya dito?

O papansinin mo tong bagong dumating na kakakilala mo pa lang at halos wala ka pang alam sa kaniya?

O aayusin mo muna ang buhay mo bago ka makapili sa kanilang dalawa?

Habang pinatatagal mo, mas nasasaktan ka, mas sinasaktan mo silang dalawa… kahit hindi alam nung isa na may iba.

Ayos buhay, habang hindi pa huli ang lahat.

Kaya nga tayo binigyan ng paa ng Diyos. Kaya naman natin lumakad kahit walang aalalay.

Maglakad ka lang, hanggang sa makita mo ang dapat na iyo. At sana, hindi mo na ulit kailangan lumakad pa palayo sa kaniya.